Rəsulov Zaur

Ekspertimiz menecment, Korporativ idarəetmə, karyera planlaması və yumşaq bacarıqlar üzrə 20 ilə yaxın tədris təcrübəsinə malikdir. O, 10-a yaxın seminar və elmi tədbirin, həmçinin Avropa İttifaqının maliyyələşdirdiyi və İtaliyanın Focca Universitetinin koordinator, Mingəçevir Dövlət Universitetinin tərəfdaş olduğu “Azərbaycan ali təhsilində davamlı sahibkarlıq ekosisteminin gücləndirilməsi mövzusunda Erasmus+ layihəsinin iştirakçısıdır. Bakalavr təhsilini 1995-1999-cu illərdə Mingəçevir Politexnik İnstitutunda iqtisadçı ixtisası üzrə alandan sonra həmin universitetin magistratura pilləsinə qəbul olur. Hazırda Azərbaycan Dövlət İqtisad Universitetinin Ümumi İqtisadiyyat (Menecment) üzrə dissertantura pilləsində təhsilini davam etdirir. Ekspertimiz tədris karyerasına 2006-ci ildə Mingəçevir Təhsil İnformasiya Mərkəzində koordinator kimi başlamış, daha sonra isə MPİ Tələbə Həmkarlar İttifaqı Komitəsinin sədri, Mingəçevir Politexnik İnstitutunda müəllim vəzifələrini tutmuşdur. 2015-ci ildən bu günə qədər həmin universitetdə baş müəllim vəzifəsini icra edir.