Xəbərlər

“Biznes Planın Yazılması” mövzusunda maarifləndirici təlim keçirilib.

Lənkəran KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 13-də Lənkəran KOBİM tərəfindən Lənkəran şəhərində fəaliyyət göstərən sahibkarlar və biznesə yeni başlamaq istəyənlər üçün “Biznes Planın Yazılması” mövzusunda növbəti maarifləndirici təlim keçirilib. Təlimdə 14 nəfər sahibkar iştirak edib. Lənkəran KOBİM-in peşəkar eksperti uğurlu biznes planın necə yazılması və diqqət yetirilməli olan əsəs məqamlar barədə danışıb, biznes planın strukturu və ona daxil informasiyalar, düzgün şəkildə hazırlanması və təqdim edilməsi barədə ətraflı məlumat verib. Qeyd edək ki, Lənkəran KOBİM tərəfindən göstərilən bütün xidmətlər ödənişsizdir.