Xəbərlər

“Emosional Bacarıqlar” mövzusunda maarifləndirici təlim keçirilib.

Lənkəran KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 20-də Lənkəran KOBİM tərəfindən Lənkəran şəhərində fəaliyyət göstərən sahibkarlar və biznesə yeni başlamaq istəyənlər üçün “Emosional Bacarıqlar” mövzusunda növbəti maarifləndirici təlim keçirilib. Təlimdə 12 nəfər sahibkar iştirak edib. Lənkəran KOBİM-in peşəkar eksperti emosional zəka və onun əhəmiyyəti, emosional idarəetmə və empatiya hissi barədə danışıb, effektiv ünsiyyət qurma və aktiv dinləmə bacarıqları, konfliktlərin emosional və sosial cəhətdən həlli, komanda daxilində effektiv əməkdaşlıq və stresli vəziyyətlərdə özünü idarə etmək barədə ətraflı məlumat verib. Qeyd edək ki, Lənkəran KOBİM tərəfindən göstərilən bütün xidmətlər ödənişsizdir.