Xəbərlər

"Kiçik və orta sahibkarlıqda marketinq strategiyası" mövzusunda maarifləndirici təlim keçirilib.

Lənkəran KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 24-də Lənkəran KOBİM tərəfindən Lənkəran şəhərində fəaliyyət göstərən sahibkarlar və biznesə yeni başlamaq istəyənlər üçün "Kiçik və orta sahibkarlıqda marketinq strategiyası" mövzusunda növbəti maarifləndirici təlim keçirilib. Təlimdə 15 nəfər sahibkar iştirak edib. Lənkəran KOBİM-in peşəkar eksperti marketinq strategiyası anlayışı və onun əhəmiyyəti, biznesin böyüməsinə və bazarda məhkəmlənməsinə verdiyi töhfə barədə danışıb, daxili və xarici marketinq mühitinin təhlili, hədəf auditoriyasının müəyyənləşdirilməsi və tələblərinin öyrənilməsi, rəqiblərin təhlili və effektiv marketinq strategiyasının hazırlanması barədə ətraflı məlumat verib. Qeyd edək ki, Lənkəran KOBİM tərəfindən göstərilən bütün xidmətlər ödənişsizdir.