Xəbərlər

"Liderlik keyfiyyətləri" mövzusunda maarifləndirici təlim keçirilib.

Lənkəran KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 20-də Lənkəran KOBİM tərəfindən Lənkəran şəhərində fəaliyyət göstərən sahibkarlar və biznesə yeni başlamaq istəyənlər üçün "Liderlik keyfiyyətləri" mövzusunda növbəti maarifləndirici təlim keçirilib. Təlimdə 11 nəfər sahibkar iştirak edib. Lənkəran KOBİM-in peşəkar eksperti liderliyin mahiyyəti və növləri, liderlik və rəhbərlik arasındakı fərqlər barədə danışıb, əsas liderlik keyfiyyətləri, komanda və şirkət idarəetmə bacarıqları, effektiv ünsiyyət qurmaq, problem həlli və qərarvermə bacarıqları barədə ətraflı məlumat verib. Qeyd edək ki, Lənkəran KOBİM tərəfindən göstərilən bütün xidmətlər ödənişsizdir.