Xəbərlər

“Münaqişələrin idarə olunması” mövzusunda maarifləndirici təlim keçirilib.

Lənkəran KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Dekabrın 1-də Lənkəran KOBİM tərəfindən Lənkəran şəhərində fəaliyyət göstərən sahibkarlar və biznesə yeni başlamaq istəyənlər üçün “Münaqişələrin idarə olunması” mövzusunda növbəti maarifləndirici təlim keçirilib. Təlimdə 11 nəfər sahibkar iştirak edib. Lənkəran KOBİM-in peşəkar eksperti iş yerində və biznes mühitində yarana biləcək münaqişələr və onların əsas səbəbləri barədə danışıb, münaqişə həllində tətbiq edilən yanaşmalar və yumşaq bacarıqların münaqişə həllində rolu barədə geniş məlumat verib. Qeyd edək ki, Lənkəran KOBİM tərəfindən göstərilən bütün xidmətlər ödənişsizdir.