Xəbərlər

"Problemlərin həll olunması və debitorlarla iş" mövzusunda maarifləndirici təlim keçirilib.

Lənkəran KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 15-də Lənkəran KOBİM tərəfindən Lənkəran şəhərində fəaliyyət göstərən sahibkarlar və biznesə yeni başlamaq istəyənlər üçün "Problemlərin həll olunması və debitorlarla iş" mövzusunda növbəti maarifləndirici təlim keçirilib. Təlimdə 15 nəfər sahibkar iştirak edib. Lənkəran KOBİM-in peşəkar eksperti iş həyatında ortaya çıxan problemlər, onların növləri və debitorlar barədə danışıb, problemlərin həll yolları, effektivliyinin qiymətləndirilməsi, debitorların kateqoriyalara ayırılması, onlarla düzgün əlaqə qurmaq, gecikmiş ödənişlərin və digər mübahisələrin necə həll ediləcəyinə dair strategiyalar barədə ətraflı məlumat verib. Qeyd edək ki, Lənkəran KOBİM tərəfindən göstərilən bütün xidmətlər ödənişsizdir.