Xəbərlər

Satışda qiymət danışıqları mövzusunda maarifləndirici təlim keçirilib.

Lənkəran KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 2-də Lənkəran KOBİM tərəfindən Lənkəran şəhərində fəaliyyət göstərən sahibkarlar və biznesə yeni başlamaq istəyənlər üçün "Satışda qiymət danışıqları" mövzusunda növbəti maarifləndirici təlim keçirilib. Təlimdə 8 nəfər sahibkar iştirak edib. Lənkəran KOBİM-in peşəkar eksperti qiymət danışıqları prosesinə hazırlıq, prosesin aparılması və razılığın əldə olunması barədə danışıb, qiymət təklifinin hazırlanması, fərqli qiymət strategiyaları, endirimlər və qiymət düzəlişləri, habelə satış zamanı danışma və dinləmə bacarıqlarının əhəmiyyətini barədə ətraflı məlumat verib. Qeyd edək ki, Lənkəran KOBİM tərəfindən göstərilən bütün xidmətlər ödənişsizdir.