Xəbərlər

Satışın idarə olunması və biznesdə rolu mövzusunda maarifləndirici təlim keçirilib.

Lənkəran KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 8-də Lənkəran KOBİM tərəfindən Lənkəran şəhərində fəaliyyət göstərən sahibkarlar və biznesə yeni başlamaq istəyənlər üçün “Satışın idarə olunması və biznesdə rolu” mövzusunda növbəti maarifləndirici təlim keçirilib. Təlimdə 10 nəfər sahibkar iştirak edib. Lənkəran KOBİM-in peşəkar eksperti satışın ümumi biznes strategiyasında oynadığı rol və əhəmiyyəti barədə danışıb, satışın növü və kanalları, satış strategiyalarının qurulması və prosesin idarə edilməsi, satış komandasının idarə edilməsi, müştərilərin davranışlarını analizi, ehtiyaclarının başa düşülməsi və ona uyğun strategiyaların hazırlanması barədə ətraflı məlumat verib. Qeyd edək ki, Lənkəran KOBİM tərəfindən göstərilən bütün xidmətlər ödənişsizdir.