Xəbərlər

Satışların idarə edilməsi və səmərəli təşkili mövzusunda maarifləndirici təlim keçirilib.

Lənkəran KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 2-də Lənkəran KOBİM tərəfindən Lənkəran şəhərində fəaliyyət göstərən sahibkarlar və biznesə yeni başlamaq istəyənlər üçün "Satışların idarə edilməsi və səmərəli təşkili" mövzusunda növbəti maarifləndirici təlim keçirilib. Təlimdə 7 nəfər sahibkar iştirak edib. Lənkəran KOBİM-in peşəkar eksperti satış prosesinin əsas addımları barədə danışıb, satış planlaşdırılması, müştəri tələblərinin və satış göstəricilərinin analizi, tendensiyaların izlənməsi, satış komandasının qurulması və idarə edilməsi barədə ətraflı məlumat verib. Qeyd edək ki, Lənkəran KOBİM tərəfindən göstərilən bütün xidmətlər ödənişsizdir.