Xəbərlər

"Şəxsi və Sosial Bacarıqlar" mövzusunda maarifləndirici təlim keçirilib.

Lənkəran KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Dekabrın 18-də Lənkəran KOBİM tərəfindən Lənkəran şəhərində fəaliyyət göstərən sahibkarlar və biznesə yeni başlamaq istəyənlər üçün "Şəxsi və Sosial Bacarıqlar" mövzusunda növbəti maarifləndirici təlim keçirilib. Təlimdə 7 nəfər sahibkar iştirak edib. Lənkəran KOBİM-in peşəkar eksperti şəxsi və sosial bacarıqların fərdi inkişafı, professional mühitdə səmərəli əməkdaşlıq və ünsiyyət qura bilmək, komanda idarəetməsində, müştərilərlə əlaqələrin qurulması və inkişaf etdirilməsində rolu barədə ətraflı məlumat verib. Qeyd edək ki, Lənkəran KOBİM tərəfindən göstərilən bütün xidmətlər ödənişsizdir.