Xəbərlər

"Start-up Bizneslər" mövzusunda maarifləndirici təlim keçirilib.

Lənkəran KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 30-da Lənkəran KOBİM tərəfindən Lənkəran şəhərində fəaliyyət göstərən sahibkarlar və biznesə yeni başlamaq istəyənlər üçün "Start-up Bizneslər" mövzusunda növbəti maarifləndirici təlim keçirilib. Təlimdə 19 nəfər sahibkar iştirak edib. Lənkəran KOBİM-in peşəkar eksperti start-up anlayışı və onun ənənəvi biznesdən fərqi, hədəfləri və bazardakı mövqeyi barədə danışıb, bazar araşdırması, rəqabət təhlili və müştəri ehtiyaclarının öyrənilməsi, ardınca start-up ideyasının və buna uyğun biznes modelin seçilməsi, maliyyələşmə üsulları, böyüməsi və uğurlu start-up nümunələri barədə ətraflı məlumat verib. Qeyd edək ki, Lənkəran KOBİM tərəfindən göstərilən bütün xidmətlər ödənişsizdir.