Xəbərlər

Vergi orqanı tərəfindən keçirilən vergi nəzarəti və yoxlamalar (sanksiyalar) mövzusunda maarifləndirici təlim keçirilib.

Lənkəran KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 6-da Lənkəran KOBİM tərəfindən Lənkəran şəhərində fəaliyyət göstərən sahibkarlar və biznesə yeni başlamaq istəyənlər üçün "Vergi orqanı tərəfindən keçirilən vergi nəzarəti və yoxlamalar (sanksiyalar)" mövzusunda növbəti maarifləndirici təlim keçirilib. Təlimdə 11 nəfər sahibkar iştirak edib. Lənkəran KOBİM-in peşəkar eksperti vergi nəzarətinin məqsədləri və növləri barədə danışıb, vergi yoxlamalarının mərhələləri, risk əsaslı yoxlamaların aparılması, uyğun yoxlama metodlarının seçilməsi, qanun pozuntuları ilə bağlı tətbiq edilən sanksiyaların təsnifatı və cəza tədbirləri, mübahisəli məsələlərin məhkəmə və ya məhkəmədən kənar həll üsulları barədə ətraflı məlumat verib. Qeyd edək ki, Lənkəran KOBİM tərəfindən göstərilən bütün xidmətlər ödənişsizdir.